Студиска програма – туризам на Економскиот факултет при Универзитетот Скопје е од клучно значење за креирање кадри кои ќе можат да одговорат на современите потреби на туристичкиот сектор, како на национално така и на глобално ниво.Туризмот претставува значајна гранка од глобалната економија, која континуирано бележи раст во последните децении. Според Светската туристичка организација (UNWTO), туризмот учествува со повеќе од 10% од глобалниот БДП и обезбедува милиони работни места ширум светот. Студиската програма за туризам е осмислена да обезбедимултидисциплинарен пристап кој ги опфаќа економските, културолошките, еколошките и менаџерските аспекти на туризмот. Преку студиската програма за туризам се нагласуваат следните аспекти: Планирање и развој на туризам; Одржлив туризам и еко-туризам; Примена на дигитални технологии во туризмот, како и Менаџмент на туристички дестинации и хотелиерство. Структурата на студиската програма туризам е усогласена со современите европски стандарди за високо образование, што овозможува компаративна вредност на дипломиранитестуденти во меѓународен контекст.

На национално ниво, туризмот е препознаен како еден од двигателите на економскиот развој во Република Северна Македонија. Со богатото културно и природно наследство, земјата има потенцијал да го зголеми својот удел на туристичкиот пазар преку развој на: Рурален и алтернативен туризам; Културен и историски туризам; Гастрономски туризам. Меѓутоа, реализацијата на овие потенцијали бара стручно образован кадар кој поседува специфични компетенции и вештини. Студиската програма - туризам ќе обезбеди едукација на кадри кои ќе бидат способни да ги применат најдобрите европски и светски практики во локален контекст.

Студиската програма – туризам нуди значителни придобивки:

• Економски развој: Образовани кадри ќе можат да придонесат кон раст на туристичкиот сектор, зголемување на приходите од туризам и создавање нови работни места.
• Подобрување на квалитетот на услугите: Програмата ќе продуцира стручњаци кои ќе ја подобрат туристичката понуда преку менаџмент, маркетинг и одржлив развој на туристички дестинации.
• Одржлив развој: Преку изучување на предметите студентите ќе бидат оспособени за имплементација на еколошки одговорни практики во туризмот.
• Зголемување на меѓународната конкурентност: Студиската програма е дизајнирана да овозможи мобилност на студентите и професорите, како и да создаде кадри кои ќе бидат конкурентни на глобалниот пазар на труд.

Студиската програма – туризам е оправдана и неопходна како од национален, така и од глобален аспект. Програмата ќе одговори на зголемената побарувачка за стручни кадри во туристичкиот сектор и ќе придонесе кон економски и одржлив развој на општеството. Со нејзината усогласеност со европските и светските стандарди, оваа програма ќе создаде компетентни професионалци кои ќе придонесат кон развојот на туризмот во Северна Македонија и пошироко.

Програма 2021/2022