Факултетот за туризам во рамките на Универзитетот за туризам и менаџмент во Скопје, ви нуди атрактивна и современа студиска програма од областа на туризмот. Нашата мисија е со примена на современи методи и техники за едукација, да образуваме квалитетен кадар кој ќе биде способен со креативна работа да овозможи унапредување и промоција на туризмот надвор од границите на Република Македонија. Поради квалитетот на студиската програма и квалитетот во образовниот процес, Факултетот за туризам е сертифициран од Светската туристичка организација (UNWTO) со „TEDQUAL“ диплома за квалитет. Со оваа признание за квалитет од највисокото тело за туризам во светот, нашата институција влезе во групата на 75 најквалитетни факултети за туризам во светот. Следејќи ги најновите светски трендови во високото образование и доследното спроведување на „TEDQUAL“ методологијата, успеавме да се етаблираме како водечки во едукативниот процес во туризмот и со тоа да обезбедиме сигурна иднина за нашите дипломирани студенти, како и за вкупниот развој на туристичката индустрија.